Ніва № 38 (3149), 18 верасня 2016 г.
Яўрэйскае жыццё ў КрынкахІаанна ЧАБАНВартасныя занатоўкі даслаў мне даследчык гісторыі жыдоў Беласточчыны Тамаш Віснеўскі. Размова запісана ў арыгінале, на англійскай мове. Некалькі простых пытанняў і такіх жа простых і змястоўных адказаў. Без здымкаў, але з гукавым запісам старых песень, у тым ліку вядомага ў нас «Аляксандраўскага вальса». Так тут калісь спявалі. Аказваецца, спявалі не толькі беларусы. Ніколі я не сустрэла і, мабыць, не сустрэну героя гэтага інтэрв’ю — выканаўцу згаданых песень, хаця нарадзіўся дакладна тут, дзе я жыву цяпер, у Крынках. Не ведаю чым ён займаецца, чым цікавіцца, аб чым марыць, чаго ў жыцці шкадуе. Ці тужыць па месцы свайго нараджэння? А галоўнае, ці мы, жыхары Крынак, дазваляем яму тужыць? — Ваша поўнае імя, калі ласка? — Джэймі Лайен Фрыдман (Jaime Leon Frydman). — Дата нараджэння? — 31 жніўня 1922 года. — Месца нараджэння? — Крынкі, польскі гарадок. — Раскажыце, калі ласка, пра сваю сям’ю. — Было ў мяне двух братоў, маці і мой бацька. — Як называліся? — Мой бацька быў Абрагам, маці Слова, мае браты Мейлах і Шэпцле. — Якім было жыццё ў Крынках? — У той час жыццё было, у асноўным, добрае. Хадзіў я ў школу з сябрамі. Былі там жыдоўскія ўстановы, добра нам жылося. — Што было штуршком да выезду з Польшчы? — У 1930 годзе мой бацька пакінуў Польшчу. Не змог уладкавацца на працу, таму падаўся ва Уругвай. Жыў там сам, (...) |