Ніва № 35 (3146), 28 жніўня 2016 г.
У палескай глыбінцы (53)Ганна КАНДРАЦЮК «Лэбскія забавы» можна параўнаць да беларускіх фэстаў у Рыбалах ці ў Трасцянцы, хоць яны здаліся весялейшымі за нашы. Па простай прычыне. На свята скаціла ўся кавалерка з наваколля і яшчэ хмара дзяцей. За плячыма публікі наладзілі яны сваю забаву, акрашаную колкімі каментарыямі, смехам і піскам. Старэйшыя цёткі што і раз грамілі іх позіркамі і суцішалі: - Не буянь, бо дастанеш у ср...! У іх папроках адчуваліся мацярынскі клопат і цеплыня. Я таксама адчувала сябе як дзіцятка, карацей кажучы, інфармацыя і знаёмствы былі мне пададзены на элегантным падносе. Яшчэ да выступленняў я пазнаёмілася з чатырма калектывамі. Праспявалі яны па дзветры песні, якія самі па сабе прадстаўлялі апрацаваны фальклор, звычайна з лёгкім гумарыстычнасексуальным зместам. - А ягадныя песні ведаеце? — спытала я ў жанчыны з „Прыданкоў” з сяла ГутаБаравенская. - Оггого! — пачулася ў адказ. Яшчэ больш звабілі мяне імёны спевакоў, тут былі баба Маня, Вера, Ніна, Насця, Іван, дзве Гандзі і двух Коляў. Паколькі „Прыданкі” першымі выступалі на сцэне, мы дамовіліся на песні ў спецыяльнай бяседцы ўжо пасля афіцыйнай праграмы. У якасці запрашэння прагучала пляменнабяседная песня. Яе змест падказваў, што няма жартаў з туземцамі. Тут трэба дацаніць палескае „шанаванне” і не згубіць фасону... да белага рання! Ой дай Божэ нэділю дождаты (2р) Сюдытуды хоть куды Нэділю дождаты То яй (...) |