Ніва № 10 (3121), 6 сакавіка 2016 г.
Няздзейсненае чаканне (2)Мацей ХАЛАДОЎСКІАб праектаваных зменах у так званы вялікі закон аб СМІ і ў адукацыю ў кантэксце прававых рашэнняў, якія тычацца меншасцей, вялася гутарка падчас апошняга пасяджэння Сумеснай камісіі ўрада і нацыянальных і этнічных меншасцей. Меншасны бок указаў на неабходнасць прымання Камісіяй афіцыйнай пазіцыі па пытаннях важных для меншасцей, асабліва ў дачыненні да праяў усіх відаў дыскрымінацыі, ксенафобіі і несправядлівасці. У ходзе дыскусіі, якую ініцыяваў старшыня Беларускага грамадскагакультурнага таварыства Ян Сычэўскі са спасылкай на I Гайнаўскі марш салдатаў праклятых і апасенняў, якія наконт таго мае беларуская праваслаўная меншасць у Польшчы (пісалі мы аб тым у папярэднім нумары «Нівы»), прадстаўнік лэмкаўскай меншасці Стэфан Дудра патрабаваў: — Мы павінны выпрацаваць агульную пазіцыю, каб у такіх пытаннях быў чутны голас нашай Сумеснай камісіі. Да гэтага часу мы былі і ёсць органам, які не можа прабіцца да публічнай думкі, таму што не бярэм голасу ў вельмі важных пытаннях, істотных для нацыянальных і этнічных меншасцей. Патрэба ў супольных пазіцыях Пятро Тыма, старшыня Саюза ўкраінцаў у Польшчы: — Мы ў апошнія некалькі гадоў маем справу з нарастаннем такой з’явы як мова нянавісці, вербальная агрэсія, накіраваная супраць меншасцей. Гэта прымае розныя формы. Мелі мы ў мінулым годзе хвалю разбурэння помнікаў і мемарыялаў на ўкраінскім паўднёвым усходзе Польшчы. Дзеянні (...) |