Перад Усходам

Мацей ХАЛАДОЎСКІ

Беластоцкі асяродак культуры (БОК) арганізуе адкрыты конкурс прапаноў на сёлетні чацвёрты выпуск Фестывалю „Усход культуры/Іншае вымярэнне”, які ў гэтым годзе будзе праходзіць у сталіцы Падляшша ад 2 да 4 верасня. Для ўдзелу ў ім запрашаюцца ўстановы, няўрадавыя арганізацыі і мастакі з Беластока. Тэмай сёлетняга фестывалю будзе Украіна і гадавіна падзей на Майдане. Арганізатары, аднак, запэўніваюць: «На гэты раз не была абрана адна грамадскасць, якой будзем надаваць асаблівую ўвагу — мы адкрытыя для прапаноў, надыходзячых ад розных нацыянальнасцей, звязаных з гісторыяй нашага горада».

Мэтай конкурсу з’яўляецца выбар прапаноў, якія ахопліваюць розныя мастацкія дысцыпліны: музыку, выяўленчае мастацтва, тэатр, танцы, перфарматыўныя дзеянні, ініцыятывы ў гарадской прасторы і да т.п. Праекты павінны быць адпраўлены да 11 сакавіка 2016 года па наступным адрасе: inny.wymiar@bok.bialystok.pl. Заяўка павінна ўключаць апісанне канцэпцыі праекта, дэталі яго рэалізацыі і падрабязную расцэнку ўсёй задачы. Набор накіраваны на вылучэнне арганізатараў мерапрыемстваў у рамках фестывалю, а не толькі выканаўцаў. Беластоцкі культурны цэнтр, як каардынатар фестывалю „Усход культуры/Іншае вымярэнне” зробіць першапачатковы выбар з ліку адпраўленых прапаноў да 25 сакавіка.

„Усход культуры”, як мы шмат разоў пісалі падчас папярэдніх выпускаў, гэта культурны праект, які аб’ядноўвае мастацкія асяроддзі гарадоў Усходняй Польшчы (Беласток, (...)