Ніва № 08 (3119), 21 лютага 2016 г.
«Нашчадкі авангарда»Аляксей МАРОЗУ Музеі і асяродку беларускай культуры ў Гайнаўцы 5 лютага адбылося адкрыццё экспазіцыі «Нашчадкі авангарда», якую складаюць працы прадстаўнікоў беларускага авангарда з калекцыі Музея сучаснага мастацтва ў Мінску. Ініцыятарам і суарганізатарам выставы з’яўляецца Культурны цэнтр Беларусі ў Варшаве, які ўжо чарговы раз прапанаваў Гайнаўскаму белмузею выставу беларускага мастацтва. У гэты дзень Гайнаўку і БельскПадляшскі наведалі пасол РБ у Польшчы Аляксандр Авяр’янаў, генеральны консул РБ у Беластоку Ала Фёдарава, дырэктар Культурнага цэнтра Беларусі ў Варшаве Эдуард Швайко і яго намеснік Юлія Рубіна. У Гайнаўскім белмузеі адкрылі яны выставу «Нашчадкі авангарда», а ў Бельскім доме культуры ўручылі медаль Францыска Скарыны паэту і старшыні Беларускага літаратурнага аб’яднання «Белавежа» прафесару Яну Чыквіну. На адкрыцці выставы ў Гайнаўцы прысутнічалі кіраўнікі самаўрадаў, згуртаваных у Аб’яднанні самаўрадаў Еўрарэгіёна «Белавежская пушча». — Ужо традыцыяй стала, што ў пачатку года ў супрацоўніцтве з Культурным цэнтрам Беларусі арганізуем выставы ў нашым музеі, на якія прыбываюць дыпламаты Рэспублікі Беларусь, — заявіў вітаючы гасцей дырэктар Гайнаўскага белмузея Тамаш Ціханюк. Адказная ў белмузеі за мастацкую дзейнасць Агнешка Ціханюк удакладніла, што выстава «Нашчадкі авангарда» гэта адлюстраванне пошукаў, эксперыментаў, дасягненняў пакаленняў мастакоў, якіх можна назваць (...) |