На Святой Гары

Мацей ХАЛАДОЎСКІ

Вядома, перш за ўсё, малітва суправаджала таксама сёлетняе свята Праабражэння Гасподняга на Святой Гары Грабарцы. Вернікі маглі пакланіцца мошчам (руцэ) святога Спірыдона, епіскапа Трыміфунта, якія прыбылі ў Польшчу дзякуючы намаганням польскіх праваслаўных іерархаў і праваслаўнага брацтва св.св. Кірылы і Мяфодзія. Святыню прывезла дэлегацыя грэчаскага духавенства, узначаленая мітрапалітам Корфу Нектарыем. Мітрапаліт варшаўскі і ўсяе Польшчы Сава нагадаў 90годдзе аўтакефаліі Польскай Праваслаўнай Царквы і стагоддзе бежанства. На Гары быў устаноўлены і асвечаны пяціметровы драўляны крыж у памяць бежанцаў. У будучыні з ахвяраванняў стане тут капліца ў іх гонар. Дзякуючы ўдзелу і выступленню прэзідэнта Анджэя Дуды свята набрала звышрэлігійны характар, падобна як два гады раней з за прысутнасці Браніслава Камароўскага. Вернікі, з якімі мы гаварылі, засталіся вельмі ўражаныя ад прамовы прэзідэнта. Прэзідэнт пасля літургіі адказаў журналісту «Нівы» на два пытанні як адзінаму з дзясяткаў тых, што паявіліся на Грабарцы.

Мяркуецца, што ў гэтым годзе на свята Праабражэння Гасподняга прыбыло некалькі тысяч чалавек, як заўсёды не толькі з Падляшша, Польшчы, але і з за яе межаў. Сярод іх была грузінка спадарыня Галіна са сваім 20гадовым сынам Тыгрыем, ад дваццаці гадоў пражывавючая ў Гданьску. Абое ўзялі з сабой для асвячэння яблыкі. Спадарыня Галіна:

— Мы прыбылі з Гданьска ў паломніцтве з усім прыходам. Адкуль я жыву ў (...)