Ніва № 48 (3003), 01 снежня 2013 г.
Адноўленая памяцьЛукаш ЛЕАНЮКЖыхары Папоўкі былі расстраляны нацыстамі за дапамогу мясцовым партызанам. Наймалодшай ахвяры не споўнілася нават двух гадоў. Іх невялікую вёску, схаваную сярод лясоў Кнышынскай пушчы, спалілі, а папялішча зааралі. Але застаецца памяць. На праваслаўных могілках у Каралёвым Мосце аднавілі помнік, які знаходзіцца на месцы спачыну 37 ахвяр генацыду. На дошцы змешчаныя імёны і прозвішчы ахвяр, а таксама інфармацыя, у якім узросце загінулі. Відаць, нацысты падчас забойства не злітаваліся нават над дзяцьмі. На памятнай дошцы можна іх налічыць 16. Наймалодшых закопвалі жыўцом, бо шкадавалі амуніцыі. Паводле жыхароў Гарадка, у месцы, дзе была масавая магіла, яшчэ тры дні варушылася зямля. На пачатку магіла загінулых жыхароў Папоўкі знаходзілася ў лесе непадалёк Гарадка. Там дзе іх расстралялі, там і закапалі. Але зараз пасля вайны ў 1946 годзе парэшткі эксгумавалі і перавезлі на могілкі ў Каралёвым Мосце. Новы помнік пабудаваны быў дзякуючы намаганням Управы гміны Гарадок. — Грошы на аднаўленне помніка атрымалі мы з дзяржбюджэту, — сказала гмінная радная Эва Бозік. — З заяўкай звярнуліся да падляшскага ваяводы і Рады аховы памяці барацьбы і пакутніцтва. Ва ўрачыстасцях асвячэння новага помніка ўдзельнічалі сем’і і суседзі ахвяр, прадстаўнікі ваяводы, гміны, надлясніцтва Валілы і гімназісты з Гарадка. Чытаючы прозвішчы ахвяр, увагу прыцягвае факт, што большасць з іх, бо 30, гэта (...) |