Ян Тарасевіч як сімвал Княства

Міра ЛУКША

Як піша Віктар Скарабагатаў, «Ян Тарасевіч абышоўся без славы, але цяпер слава не абыдзецца без яго». Ян Аляксеевіч Тарасевіч нарадзіўся 23.09.1889 года. Ён — кампазітар, піяніст, педагог. Закончыў кансерваторыю ў Санкт-Пецярбургу (1912). Пакінуў пасля сябе больш за сто песень і інструментальных фартэпіянна-вакальных твораў. Ян Тарасевіч да самай смерці называў сябе беларускім кампазітарам.

Беларуская ідэя заўсёды

прасякала творчасць Яна Тарасевіча. Ужо ў 1919 годзе былі напісаны вакальныя творы на вершы беларускіх паэтаў-класікаў. Ён выхаваў як мінімум чатырох прафесараў Варшаўскай акадэміі музыкі і самага вядомага сёння дырыжора ў Польшчы Ежы Максымюка. Ян Тарасевіч быў першым, хто напісаў музыку да вершаў Францішка Багушэвіча, Максіма Багдановіча, Якуба Коласа. З усёй спадчыны Яна Тарасевіча захавалася 110 твораў: харавыя на вершы толькі беларускіх паэтаў; вакальныя — на вершы беларускіх, польскіх і рускіх паэтаў; камерныя творы для струнных інструментаў, ансамблі; самы вялікі скарб — фартэпіянны. Памёр кампазітар 18.06.1961 года ў Беластоку. Яго магіла знаходзіцца ў горадзе Саколцы. Ягоны вучань Анатоль Чарапінскі захаваў найбольшую частку спадчыны кампазітара і ўвесь архіў, і перадаў яе беларускаму народу. Тарасевіч стаў ахвяраю менавіта палітычных падзей мінулага стагоддзя. Ягоны лёс — знак эпохі для беларусаў.

Ян Тарасевіч

не трымаўся модных кірункаў

музыкі, (...)