Гебраістка, якая піша па-беларуску

Нейкая метафізічная сіла зладзіла мне сустрэчу з Оляй Бяляўскай, лаўрэаткай ХVII Літаратурнага конкурсу беларускай паэзіі і прозы «Дэбют». Мы сталі разам жыць у адным студэнцкім інтэрнаце. Оля — студэнтка пятага курса гебраістыкі Варшаўскага ўніверсітэта.

Наталля Кандрацюк-Свярубская: — Адкуль у студэнткі гебраістыкі зацікаўленне беларускім літаратурным словам?

Аляксандра Бяляўская: — Скажу шчыра, мой удзел у конкурсе выпадковы. Аднойчы я сустрэла сяброўку якая сказала, што рыхтуе тэкст на конкурс „Нівы”. Гэта заахвоціла мяне таксама паспрабаваць сваіх сіл у конкурсе. Я адразу прыдумала тэму і ў тры вечары ўзнік твор пра ўцекача з Кыргыстана.

Н.К.-С.: — Чаму з Кыргыстана?

А. Б.: — Кыргыстан атрымаўся тут выпадкова...

Н.К.-С.: — А Тваё веданне беларускай мовы?

А. Б.: — Я сама родам з Нараўкі.

Н.К.-С.: — Як нараджаюцца Твае творы?

А. Б.: — Пісанне прыходзіць да мяне зрэдку. Штосьці незвычайнае мусіць на мяне паўплываць, каб сесці і напісаць, прыдумаць тэму. (...)