Адкліканне з адтэрміноўкай

Мацей ХАЛАДОЎСКІ

Андрэй Плясковіч, войт Нарваўскай гміны, незалежна ад правамоцнага прысуду Акруговага суда ў Беластоку, а раней Раённага суда ў Бельску-Падляшскім, якім ён прыгавораны да пяці месяцаў зняволення з адтэрміноўкай на два гады, пакуль надалей будзе выконваць сваю функцыю, паколькі нарваўскія радныя сталі ў яго абарону і не пагадзіліся на спыненне яго паўнамоцтваў. Усё паказвае на тое, што будзе мусіў умяшацца падляшскі ваявода. Войт, хоць не адмаўляе прысуду, лічыць яго несправядлівым, а большасць радных разлічвае на тое, што ўдасца яму яшчэ завяршыць пачатыя інвестыцыі.

18 студзеня, дакладна ў 9 гадзін раніцы, на сесіі Гміннай рады з’явілася цэлая пятнаццатка мясцовых радных, якія ўважліва прыслухоўваліся тлумачэнням войта і з нецярплівасцю чакалі вынікаў галасавання. Пытанне парадку дня было ў прынцыпе адно: заява аб спыненні тэрміну паўнамоцтваў кіраўніка гміны. Раней выслухалі толькі справаздачу з яго дзейнасці паміж сесіямі, якая звычайна даецца ў час кожнай з іх. Войт даў справаздачу коратка:

— Не здарылася нічога асаблівага.

Успомніў аб дакументацыі, якая рыхтуецца для невялікай інвестыцыі ў Васьках і прадставіў сітуацыю з рамонтам павятовых дарог:

— Ачыстка ад снегу нам дасюль не дакучала. Гмінная ўправа функцыянавала нармальна.

Пятнаццаць хвілін пазней радныя прыступілі да разгляду галоўнага пытання.

Старшыня рады Ева Урбановіч зачытала спачатку ліст перасланы (...)