Ніва № 32 (2882), 7 жніўня 2011 г.
Куры зялёнаножкі, марыхуана і Лысыя Горы!Ганна КАНДРАЦЮК— Пані Тэрэзко, а чырвоных кароў калі разводзіць будзеце? — Давайце найперш пасадзім агародчыкі з зёлкамі, — студзіць запал дырэктар Сувальскага ландшафтнага парку Тэрэза Свярубская. Каб у наш тэлевізійны час навучыць людзей добрага і карыснага ў гаспадарцы, патрэбны час. Людзі адразу жадаюць чырвоных кароў! Бо так сказалі па тэлебачанні. Што прыбытак ад іх канкрэтны. І лугі адраджаюцца. А даіць тых кароў хто ўмее? — А то трэба даіць кароў? У праектах аднаўлення старых сельскагаспадарчых культур найбольш ахвотна ўдзельнічаюць варшавякі. Так на Сувальшчыне называюць усіх новых асаднікаў, нават калі яны з Кракава. Мясцовыя трымаюцца збоку. Ну, хіба што прапанова біёлагаў будзе карыснай. Так было ў выпадку курэй зялёнаножак, якія гадамі разводзіць парк. Аплачаецца. За адно яйка злот пяцьдзесят плацяць. Купцы самі на панадворак прыязджаюць. Кажуць, у тых яйках халестэрыну няма. З зёлкамі больш складаная справа. Хто схоча гадаваць пустазелле ў агародзе? Столькі кветак на рынку. Амерыканскія, японскія, афрыканскія. Глядзіш, галава ад колераў кружыцца. Агародчык павінен цвісці ад вясны да зімы. Фантанчык туды яшчэ прыстроіць, рыбак чырвоных пусціць. Словам — люкс. А зёлкі — што яны такое? Які ў іх выгляд? * * * Каб агранізаваць майстар-класы, прысвечаныя лекавым і прыдатным у кухні раслінам, працаўнікі парку патрабавалі гадоў. Шмат у чым (...) |