Ніва № 17 (2867), 24 красавіка 2011 г.
Язэп Варонка на радзімеГанна КАНДРАЦЮК— Да гэтай пары Язэпа Варонку не ведалі ў Саколцы, — кажа Анрэй Гарбуз, намеснік старшыні аб’яднання „Сакольшчына”. Таму іх арганізацыя палічыла рызыкоўным ладзіць даклад у першы дзень красавіка. — Мы падумалі, што нашае запрашэнне могуць палічыць жартам, як prima-aprilis, — прызнаецца мой субяседнік. — Бо ці магчыма такое, каб ніхто з жыхароў не чуў і не ведаў, што тут нарадзіўся прэм’ер-міністр? Каб пазбегчы такіх спекуляцый, мы перанеслі сустрэчу на іншы тэрмін. — Асоба Язэпа Варонкі малавядомая нават беларускім гісторыкам, — удакладняе ўсю складанасць прафесар Алег Латышонак. — Такая важная і каларытная асоба павінна мець свой раман або фільм, а ён не дачакаўся нават грунтоўнай манаграфіі. Мы, напрыклад, не ведаем у якой вёсцы і сям’і ён нарадзіўся... Думка, каб асветліць асобу Язэпа Варонкі нарадзілася ў крузе сяброў аб’яднання „Сакольшчына”. Спачатку цяжка было знайсці спецыяліста па гэтай тэме. У канцы выклік прыняў прафесар Алег Латышонак, які ўжо раней займаўся Язэпам Варонкам. Дзякуючы яму асоба прэм’ер-міністра была агучанна 25-га сакавіка ў час святкавання 93-й гадавіны БНР у Беластоку. 8 красавіка г.г. прафесар Латышонак прачытаў свой пашыраны даклад у кавярні „Ліра” ў Саколцы. Публіцы, якая ў прыстойнай кампаніі прыйшла і прыехала на сустрэчу, прапанавалі таксама дакументальны фільм Міколы Ваўранюка і Алега Латышонка пра беларускі шлях да незалежнасці. Такім (...) |