Ніва № 09 (2859), 27 лютага 2011 г.
Беларус разыходзіцца з праўдай?Ганна КАНДРАЦЮККляшчэлі, аўтобусны прыпынак. За пяць хвілін пад’едзе рэйсавы аўтобус у Бельск-Падляшскі. У кругу пасажыраў ідзе дзелавітая размова пра цану прадуктаў, дакладна дзе колькі што каштуе ў кляшчэлеўскіх маркетах. — Тут адна выгода, заўсёды можна трапіць на якуюсь прамоцыю, — кажа гаманлівая жанчына з Маліннік. Сёння, напрыклад, салодкага яна накупляла. Бо за салодкім аж пранікае... Я таксама адчуваю сябе як на прамоцыі шакаладных пернічкаў, бо ўсе тут размаўляюць па-свойму. І нават мяне адкульсьці ведаюць. — А я то вас ведаю, — гадае ўголас жанчына з Маліннік. — Якаясь знаёмая пані, толькі прыгадайце адкуль, бо забі не памятаю. Я называю сваё імя, прозвішча і газету. — То заўтра па „Ніву” трэба бегчы — чую ў адказ. Лозунг „Ніва” выклікае пазітыўныя вібрацыі. — А кім запішаце сябе ў час перапісу насельніцтва? Хто вы па нацыянальнасці? — пытаю ў сваю чаргу. На прыпынку, разам са мной, сем чалавек. Большасць з іх прыехала з навакольных вёсак: Сухавольцаў, Залешан, Маліннік... — Беларусы, беларусы, беларусы, беларусы... — заўляюць з упэўненасцю па чарзе кабеты і мужчыны. — А я то яшчэ не ведаю! — кажа тая з Маліннік. Пасля такога адказу ўсе вочы ўзіраюцца ў яе бок. Чакаем што цікавага яна скажа. — Бо то не такая простая справа... — пачынае яна. — А якая тут для вас складанасць? — (...) |