Ніва № 01 (2851), 2 студзеня 2011 г.
Адзначаем Святую ноч па-рознамуМіра ЛУКШАНа Падляшшы рашучая большасць праваслаўных адзначае Божае Ражджаство па юльянскім календары. Ад 1995 года вернікі праваслаўя, якія святкуюць Каляды па новым стылі, маюць магчымасць пайсці на святочнае набажэнства ў царкву святой Марыі Магдаліны, — расказвае СМІ айцец падпалкоўнік Ігар Сегень. Прызнаецца, што на вялікай вячэрні 24 снежня сустракае вернікаў, якіх не бачыць у іншы святочны дзень. Лічыць, што прыбываюць яны на святочную багаслужбу з іншых прыходаў Беластока, або і з па за горада, а пасля амаль дзвюх гадзін ідуць адзначаць дома куццю па новым стылі. У іншых прыходах спробы святкавання Каляд па новым стылі не ўдаліся. Гэтую магчымасць мешаным каталіцка-праваслаўным сем’ям правесці супольнае святкаванне запрапанаваў яшчэ епіскап Сава, цяперашні мітрапаліт варшаўскі і ўсяе Польшчы. Некаторыя вернікі прыйшлі таксама крыху з цікаўнасці. Вялікая вячэрня ў царкве, якой карыстаецца вайсковае душпастырства, была назначана на 16 гадзіну. Штогод прыходзіць на яе больш чым сто асоб. Як адзначыў а. Ігар Сегень, лік не мяняецца. Большасць асоб адзначае святы ў двух чыслах, сярод іх ёсць праваслаўныя, прыехаўшыя на Беласточчыну з іншых частак краіны, якія ўжо звыкліся адзначаць праваслаўныя святы па новым стылі, паколькі ў іншых рэгіёнах краіны, асабліва ў вялікіх гарадах, такіх як Варшава, Вроцлаў ці Кракаў, праваслаўнае Ражджаство Хрыстова адзначаецца 25 снежня. Духоўнікі лічаць, што гэта вырашаюць вернікі, (...) |