Ніва № 49 (2847), 2 снежня 2010 г.
Юбілейны канцэрт „Знічкі”Аляксей МАРОЗАдмысловы канцэрт, прымеркаваны да 15-годдзя дзейнасці калектыву „Знічка”, адбыўся ў Гайнаўскім доме культуры 19 лістапада. Юбіляры выступілі ў прысутнасці школьных сяброў і бацькоў, жыхароў Гайнаўкі і наваколля, а таксама запрошаных гасцей, сярод якіх былі праваслаўныя святары і мясцовыя самаўрадавыя ўлады. Багаты рэпертуар беларускага апрацаванага фальклору і сучасных беларускіх песень, які выконваў цяперашні склад „Знічкі”, яе салісткі і дзяўчаты, што спявалі ў калектыве раней, у розных перыядах яго дзейнасці захапілі публіку. Выпускніцы Гайнаўскага белліцэя таксама ўдала выступілі з аўтэнтычным фальклорам, без акампанементу. — Ініцыятарам заснавання нашага калектыву быў дырэктар школы Яўген Сачко, які многа сэрца ўклаў, каб „Знічка” разгортвала сваю дзейнасць, — заяўляе ў пачатку канцэрта нязменная апякун гурту Бажэна Ляўчук. На сцэну выходзяць стройныя дзяўчаты ў прыгожых касцюмах. Канцэрт пачынаецца з даўніх песень „Знічкі”. — Я рада, што на сцэне магу перадаць свае эмоцыі. Мы спяваем так, як адчуваем наш рэпертуар і спадзяемся, што нашы выступы спадабаюцца публіцы, — кажа ў час канцэрта Малгажата Ляшкевіч. — Я вельмі цешуся, што спяваю ў „Знічцы”. Цікава ў нас у час рэпетыцый і прыемна супольна выступаць на сцэне, — гаворыць Анна Раманюк. У час перапынку, калі публіка глядзіць мультымедыйную прэзентацыю дзейнасці „Знічкі”, размаўляю з апекуном калектыву Бажэнай (...) |