Ніва № 48 (2846), 25 лістапада 2010 г.
Пушчанскі лёсТэкст з магнітафоннай плёнкі зняў Аляксандр ВЯРБІЦКІРасказ Міхала ПРАКАПЧУКА (1925-2003), жыхара вёскі Гарошкаўка, што ў Камянецкім раёне Брэсцкай вобласці Беларусі, запісаны Янам Мацкевічам з Беластока ў 2002 годзе. Званы бялянскай царквы Жыў тут, у Гарошкаўцы, калісь адзін чалавек, бадай прадзед майго суседа, які таксама называўся Пракапчук, якому людзі, што былі пры царкве, напісалі прашэнне і адправілі да цара. Ён тое прашэнне забраў з сабою і пайшоў да цара, які прыехаў на паляванне. Але да цара няпроста было даступіцца. Людзі стаялі па абодвух баках шашы, а гарадавыя хадзілі і пільнавалі парадку. А ён быў чалавекам кемлівым і хітраватым. Падышоў ён да гарадавога і пытаецца: — Паслухайце, а што гэта ў вас такое за прадстаўленне тут будзе, што так людзі сабраліся? — Погоди старик, стой, вот сейчас будет государь ехать. — А пакажаце вы мне яго? — Ну, как же, будет ехать и я скажу: „Это государь едет”. Стаў той мужык разам з людзьмі, прашэнне за кашулю, за пазуху засадзіў і трымае. Едзе першая падвода запрэжаная ў тройку коней. І кажа гарадавы: — Вот государь будет ехать. А той мужык прашэнне з пазухі выняў і сабе на галаву палажыў ды, мінуўшы гарадавога, стаў за ім на калені. Цар спыніўся і пытае: — А чего он там хочет? І ўзяў тое прашэнне з галавы і загадаў перадаць у другую падводу. А той гарадавы кінуўся на нашага пасланца: (...) |