Ніва № 39 (2837), 26 жніўня 2010 г.
Падзівіцца на добрых людзейГанна КАНДРАЦЮККаля каго чаго патрэшся — сам таго набярэшшся! — вучыць народная мудрасць. Беларускі народ абажае церціся ля добрых і шляхетных людзей. Штосьці зрушылася ў гэтым плане на Беласточчыне. Яшчэ тыдзень да паломніцтва ў Адрынкі ў маёй парафіі разлілася хваля добрай прапаганды. Усе захацелі ехаць у Кудак, да архімандрыта Гаўрыіла: — Czy była już w Pustelni? — спытала мяне Ала, з якой езджу на адным аўтобусе ў царкву. — Дакладна, пяць раз, — адказалая я. — Ale nie zaszkodzi i szósty raz pojechać — агітавала мая адна парафіянка. — Cały Białystok wybiera się. Na osiem autokarów ludzi już zapisało się. Тrzeba zobaczyć jak tam ten biedny Gabriel sobie radzi... Пра пілігрымку ў Кудак гаварылі нават ля майго блока ў Беластоку. Калі я выйшла ў шэсць гадзін раніцы з хаты, двух дзядзькоў, якія сталі ля магазіна і курылі папяроскі, наракалі на дождж. — А так бы селі ў аўтобус і паехалі б у Адрынкі! — сказаў адзін. — Няма як! Вазьмі і паедзь, як туды пэкаэс не ходзіць, — сумняваўся другі. Да чаго гэта ідзе! — думала я ідучы лясной дарогай у скіт. — Напэўна воўк якісь у лесе здохне?! Раней не чула каб пра праваслаўныя пілігрымкі гаманілі пад маім магазінам... * * * Скіт ва ўрочышчы Кудак каля Адрынок дзейнічае афіцыйна год. За той час паспелі зрабіць кладку, паставілі дом і царкву. Яе залатыя купалы на фоне (...) |