Беларускае вяселле з пад Белавежскай пушчы

Аляксей МАРОЗ

Вяселле — самы багаты і самы цікавы наш абрад і таму ахвотна паказваюць яго на сцэне ў час фальклорных мерапрыемстваў. Сёлета арганізатары VІ Вясельнай бяседы, якая 29 жніўня адбылася ў гарадскім амфітэатры ў Гайнаўцы, рашыліся пакарыстацца вядомай белавежскай маркай. Сваё асноўнае мерапрыемства назвалі „Вясельнай бяседай рэгіёна Белавежскай пушчы”, зрабілі акцэнт на гатаванне і дэгустацыю белавежскага гуляшу з дзічыны ды продаж мясцовых харчоў з пад Белавежскай пушчы, з абодвух бакоў мяжы. Каб прыцягнуць да мерапрыемства публіку, яшчэ да вясельнай бяседы Гжэгаж Русак, кухар, расказчык і заадно старшыня Польскай палаты рэгіянальнага прадукту, са сваімі памагатымі мелі зварыць дзве тысячы літраў белавежскага супу (прыблізна пяць тысяч порцый) і накарміць ім як найбольш вясельнай публікі ды ў час імпрэзы ўстанавіць новы рэкорд Гінеса ў варэнні белавежскага гуляшу.

— Вясельнікі будуць есці, пасля бяздомных накормяць, і яшчэ ў прытулак „Цяпак” занясуць суп, каб там можна было ім сабак пачаставаць, — жартавала яшчэ да мерапрыемства жыхарка Гайнаўкі.

— Я думаю, што публіка з’есць увесь гуляш, а калі гэтага не зробіць, то будзем яго бясплатна раздаваць у дамах апекі, — скажа пазней галоўны кухар Гжэгаж Русак. — Наша работа будзе правярацца адмысловай камісіяй і толькі пазней абвесцяць ці мы справіліся з рэкордам Гінеса.

Беларускае мерапрыемства распачалося некалькі гадзін да (...)