Ніва № 23 (2821), 6 чэрвеня 2010 г.
Камянецкі хорРазмова з рэгентам Маладзёжнага хору пры Свята-Сімяонаўскай царкве ў Камянцы Брэсцкай вобласці, які на сёлетнім Фестывалі царкоўнай музыкі атрымаў вылучэнне ў катэгорыі прыхадскіх хароў, Аннай ГРУШЭЎСКАЙ. — Якая моладзь спявае ў Вашым хоры? — Гэтых дзяцей мы набралі з нядзельнай прыцаркоўнай школы. Мы іх набралі даўно, яны выраслі, сталі студэнтамі, але астаюцца спяваць у нас. А далей мы паціху набіраем маленькіх. Спяваюць школьнікі. Раней мы называлі сябе дзіцячым хорам, цяпер называемся маладзёжным хорам. — Ці ў Камянцы ёсць іншае музычнае вучылішча апрача прыцаркоўнай школы? — Ёсць Школа мастацтваў, усе нашы дзеці там вучацца музычнай грамаце. — Ці Ваш хор спявае толькі ў час царкоўных богаслужэнняў ці дае таксама іншыя канцэрты? — Даём. Мы выступаем з каляднымі канцэртамі ў школах, у горадзе. Таксам выступаем з велікоднымі канцэртамі. Часта ўдзельнічаем у фестывалях. Сёлета мы ездзілі ў Мінск на Міжнародны фестываль праваслаўных песнапенняў, дзе нашы дзеці занялі трэцяе месца. — Ваш хор у Польшчы ўпершыню? — Дзеці так. — Камянецкі раён супрацоўнічае ў рамках г.зв. Еўрарэгіёна «Белавежская пушча» з нашым Гайнаўскім паветам... — Справа ў тым, што ў мяне яшчэ ёсць вакальная група «Гармонія» з шасці жанчын, настаўніц музычнай школы і мы ўжо двойчы былі на Гайнаўшчыне. Былі мы на духоўным фестывалі ў Гайнаўцы ў 2006 годзе і ў 2008 годзе былі на (...) |