Каля Нарваўскага нацпарку

Аляксандр ВЯРБІЦКІ

Фрагмент фондавага запісу Аляксандра Хадкевіча з 1510 года: „Во имя Божія Святыя Тройцы. Я Александръ сынъ пана Ивана Ходкевича, самъ свою доброю волею, безъ принуженя и порады людское, чиню знаменито симъ моимъ листомъ кому будетъ потреба ведати або чтучи слышати, што были есмо монастыръ соружили общину, во отчизне моей пущи у скраинъ реки Супряслы. И потомъ у томъ монастыри учинили есмо городъ нашъ на жаданіе игумена Пахнотя собе и слугамъ нашимъ на схованіе (...), иже имъ для докукы мирское общого монастыря жительства немощно дръжати. И просили мене абыхъ имъ далъ местцо оттуду переселитись у нашой же пущи и тое же рекы Супраслы берегъ грудъ сухый, между дву источниковъ речок, Грабовки и Бирезовки. И мы (...) дали есмо имъ тое местцо, и тотъ монастыръ тамъ преселити. И дозволилъ есми имъ с тое пущи на мое, на мое будованіе дерево брати што будетъ потреба на тотъ монастыръ и дрова и лучину и лыка и губы и ягоды брати и огородъ и садъ мети близъ монастыря, и сеножати прокосити, гдебъ было нешкодно ловищамъ нашимъ, и на техъ речкахъ вышеписанныхъ сажавки рыбныя дръжати, и на реце на Супрасле язъ. Тое все игуменъ з братею маютъ мети вечно и непорушно к тому монастырю. (...) Богу милому ку чти и хвале и мне грешному на вечную память, з дозволеніемъ господаря нашого великого короля Жикгимонта Казимировича (...) далъ есми церкови Божией на тотъ общи монастыръ игумену и братии, мой отчизный дворъ и место (...)