Ніва № 13 (2811), 28 сакавіка 2010 г.
Наблізіць да сябе людзей!Ганна КАНДРАЦЮК— Jakie to swojskie! Jakie znajome! — такія словы найчасцей можна было пачуць сярод беластоцкай публікі, якая тлумна з’явіліся ў галерэі „Арсенал” на вернісажы фотавыстаўкі „Extremum Europae”. Так менавіта назваў свой навейшы праект Павел Гжэсь, выпускнік Інстытута крэатыўнай фатаграфіі Сілезкага ўніверсітэта ў Апаве (Чэхія); выстаўка працуе ў Беластоку з 12 сакавіка па 11 красавіка г.г. Сярод паклоннікаў маладога мастака мы сустрэлі, між іншым, Сакрата Яновіча, Лявона Тарасэвіча, настаўнікаў і сяброў з яго роднага Гарадка, віцэ-прэзідэнта Беластока Аляксандра Сасну... — Прозвішча Паўла Гжэся не новае для нашай галерэі, — адзначыла Моніка Шэўчык. — Разам у 2005 годзе мы рэалізавалі ягоны пленэрны фотапраект „Меляшкі”. Цягам пяці апошніх гадоў гэты знакаміты фотапраект пра людзей з адміраючай беларускай вёскі Павел паказаў, між іншым, у Будапешце, Любліне, Берліне... Пра канцэпт навейшай выстаўкі мы спыталі ў самога Паўла Гжэся. — Пра тваю сённяшнюю выстаўку кажуць што гэта такі „канец свету”. Сапраўды, наш занядбаны і забыты свет ля польска-беларускай мяжы так можа явіцца для людзей звонку. Ты сам вырастаеш з гэтай прасторы. Як успрымаеш такія каментарыі? — Звычайна. Я сам свядома прыдумаў гэты „канец свету”, каб яго перасячы ў сваім фотапраекце... — Бачу там знаёмых людзей з Мастаўлян, Гарадка, Гайнаўкі... А якія месцы ты наведаў па беларускім баку мяжы? — Гродна, (...) |