Беларускія назвы ў Арлянскай гміне! Віншуем

Міхал МІНЦЭВІЧ

30 верасня г.г. на сесіі арлянскай Гміннай рады радныя прынялі рашэнне ў справе ўсталявання дадатковых назваў мясцовасцей на мове беларускай нацыянальнай меншасці. Варта падкрэсліць, што гэты пункт парадку дня быў вынесены на разгляд — фармальна ад імя войта — сакратаром Гміннай управы Ірынай Адзіевіч у пачатку сесіі. Некалькімі днямі раней радныя коратка абмеркавалі гэтае пытанне на пасяджэннях сваіх камісій і рашылі паставіць кропку над і на найбліжэйшай сесіі. У час галасавання з ліку пятнаццаці прысутных радных „за” было дванаццаць, а траіх (двух з Орлі і адзін з Міклашоў) стрымаліся ад голасу. У зале панавала цішыня!

Раней, 12 лютага 2009 года, радныя прынялі пастанову пра ўвядзенне дапаможнай беларускай мовы. Пазней наш войт атрымаў з Міністэрства ўнутраных спраў і адміністрацыі ліст, у якім чытаем: Nawiązując do wniosku z dnia 14.04.2009 r. uprzejmie informuję, iż na podstawie art. 10 ust. 1 ustawy z dnia 6 stycznia 2005 r. o mniejszościach narodowych i etnicznych oraz języku regionalnym Gmina Orla została wpisana z dniem 7 maja 2009 r. do urzędowego rejestru gmin, w których używany jest język pomocniczy (Podpis z up. Sekretarza Stanu Tomasz Siemoniak).

Пасля сесіі папрасіў я старшыню Гміннай рады Аляксандра Кліна выказацца на гэты конт:

— Гэта паслядоўнасць першай пастановы, за якой трэба было прыняць і другую. Мы ў Еўропе і маем магчымасць пакарыстацца такім (...)