Ніва № 38 (2784), 20 верасня 2009 г.
След 17 верасняАляксандр ВЯРБІЦКІАляксандр ВЯРБІЦКІ: — Сёлета мінае семдзесят гадоў ад уваходу Чырвонай арміі ў межы Польшчы. Тая падзея з 17 верасня 1939 года лічыцца датай уз’яднання Беларусі, і Украіны.Прафесар Яўген МІРАНОВІЧ: — Ніводзін з украінскіх ці беларускіх нацыяналістаў і дэмакратаў гэтага не аспрэчваў. — Аднак я хачу вярнуцца да вытокаў. Калі паявілася ідэя Беларусі ў яе цяперашнім разуменні? Першы праект сучаснай Беларусі ўзнік у 1883 годзе, калі ў часопісе беларускіх сацыялістаў у Пецярбургу „Гомон” паказаўся артыкул пра патрэбу аўтаноміі Беларусі ў межах дэмакратычнай Расіі. Гэта была памылковая візія, бо беларускія сацыялісты спадзяваліся, што Расія незадоўга дэмакратызуецца і стане федэратыўнай дзяржавай, дзе кожная нацыя атрымае аўтаномію; гэта мела быць нешта накшалт цяперашняга Еўрасаюза(...) |