Ніва № 22 (2768), 31 мая 2009 г.
Праспяваць малітвуІлона КАРПЮКXXVIII Міжнародны фестываль царкоўнай музыкі „Гайнаўка-2009” 20 траўня адкрыў маршалак Падляшскага ваяводства Яраслаў Дважанскі, а чатыры дні пазней закрыў яго дырэктар мерапрыемства Мікалай Бушко. Паміж іхнымі двума сказамі змясціліся не толькі багацце царкоўнай музыкі, але перш за ўсё пачуцці ўсіх, якія хаця б на момант наведалі канцэртныя залы. Магутныя гукі разносіліся ў евангеліцка-аўгсбургскіх касцёлах Варшавы і Венграва, харысты прэзентаваліся ў Мар’яцкім касцёле ды ў айцоў францысканцаў у Крававе, два дні харамі захапляліся таксама жыхары і турысты ў Белавежы, дзе паралельна з фестывалем у мясцовым каталіцкім касцёле прайшлі Дні духоўнай музыкі. Усе хары канчаткова з’язджаліся ў Падляшскую оперу і філармонію, дзе чакалі іх журы і верная публіка. — Девушки, прекрасно! — захапляліся канцэртам жанчыны, пакідаючы Падляшскую філармонію і оперу пасля першага дня конкурснага праслухоўвання хароў. Ляпалі па плячах, гладзілі па валасах, а дзяўчаткам цяклі слёзы. — Не да канца атрымалася так, як хацелі, а і такі рэпертуар... Першы дзень конкурсных праслухоўванняў завершыў хор „Cantatus Juventae” з мінскага Лінгвістычнага ўніверсітэта, які пакінуў след у душы кожнага слухача. — Так прыгожа выканалі гэтага Бартнянскага, — каментавалі выступ гледачы. Гэта першы раз, калі я так непасрэдна пабачыла (бо разумела ўжо здаўна), што гэты фестываль не толькі для людзей праваслаўнага (...) |