Фінансавая азбука

Віктар САЗОНАЎ

Яшчэ зусім нядаўна на Беларусі жылі людзі, якія не ведалі адкуль бяруцца грошы. Думалі, што грошы трэба зарабляць уласнымі рукамі або галавой. Якія гэта былі жудасныя і цемрашальныя часы.

Зараз кожны беларус ведае, што грошы пазычаюць. Галоўнае ў гэтым працэсе — не ламаць сабе галавы над тым, што іх трэба некалі вяртаць. Замест таго, каб аддаваць пазыку, трэба яшчэ раз пазычыць. Пасля яшчэ раз і пажадана яшчэ больш. І так бясконца. Спатрэбіліся грошы — пазычыў і ўсё тут.

Складваецца такое ўражанне, што беларускі ўрад толькі тое і ўмее рабіць, што пазычаць грошы. Ну і правільна. Навошта яшчэ штосьці ўмець, калі ўмееш самае галоўнае. У гэтай галіне мы ў коле лідараў. Ёсць чым пахваліцца. І ўрад пахваліць. Доўга яны набывалі навыкі. Затое зараз сталі вялікімі майстрамі экстра класа.

То рускія ім падкінуць мільярдзік, то Еўропа больш чым два з паловай. Пасля зноў рускія дадуць, каб ад Еўропы не адставаць. Такое своеасаблівае спаборніцтва мы тым багаценькім краінам наладзілі.

Напэўна, беларусы лепшыя на свеце сябры, што за сяброўства з намі іншыя краіны плацяць грошы. І правільна, хай плацяць, як не маюць такіх разумных мазгоў як у нашага кіраўніцтва. А то наш урад пакрыўдзіцца і адмовіцца з кім-небудзь з іх сябраваць. Што яны тады рабіць будуць?

Навошта нам перабудоўваць эканоміку, змяншаць штаты чыноўнікаў ці колькасць міліцыі. Хай гэта робяць іншыя. А (...)