Ніва № 27 (2721), 6 ліпеня 2008 г.
Супольна лягчэйРазмова з Ленай ХАРКЕВІЧ з Плянты — намеснікам старшыні Белавежскага агартурыстычнага аб’яднання „Зубр”. — Вы дзейнічаеце ў аб’яднанні здаўна, але намеснікам старшыні згуртавання сталі нядаўна. — Наша агратурыстычнае згуртаванне ўзнікла ў 2000 годзе і я належу да яго ад самога пачатку. Хаця намеснікам старшыні стала я нядаўна, але фактычна кірую дзейнасцю аб’яднання „Зубр” ад чатырох гадоў, ужо ў папярэднім скліканні, калі галоўнае кіраўніцтва па пэўных прычынах не выконвала сваіх абавязкаў, і цяпер, калі новаабраны старшыня Яўген Валкавыцкі выехаў за мяжу. — Як узнікла ідэя заснавання „Зубра”? — Спачатку найбольш агратурыстычных кватэр было ў Белавежы, а ў іншых гмінах агратурызмам займаліся толькі лічаныя адзінкі. Супольна лягчэй дзейнічаць, прабівацца са сваімі прапановамі і наша аб’яднанне было заснавана між іншым дзеля супольнай лепшай рэкламы, якая магла б прыцягнуць турыстаў. Будучы разам, маглі мы вучыцца як трэба абсталяваць кватэры і лепш абслугоўваць турыстаў, каб прыязджалі да нас паўторна. — Ці само слова „белавежскае” ў вашым названні з’яўляецца ўжо рэкламным таварам? — Пра Белавежу ведалі жыхары Польшчы і не толькі, а ў назву мы ўключылі гэтае слова, каб з яго дапамогай рабіць прамоцыю нашых агратурыстычных прадуктаў для большай колькасці людзей. Пасля ў Белавежу стала ехаць настолькі многа турыстаў, што некаторыя белавежскія ўласнікі кватэр (...) |