Ніва № 17 (2711), 27 красавіка 2008 г.
Шкада, што пачынаем цаніць людзей пасля смерці...Васіль САКОЎСКІ24 лютага г.г. у Беларускім музеі ў Гайнаўцы адбылося вельмі важнае і моцна патрэбнае нам, беларусам, ды і Гайнаўцы мерапрыемства — урачыстае адкрыццё мемарыяльнай дошкі ў гонар Канстанціна Майсені. Дошка металічная, сціплая, бо і Майсеня быў чалавекам сціплым. Надпіс на ёй таксама: Майсеня Канстанцін Мікалаевіч 15.08.1923-12.10.2006 Беларускі грамадскі дзеяч І, канешне, металічны барэльеф-бюст Майсені зверху. І табліца, і месца, дзе яна прымацаваная мне падабаюцца, робяць яны ўражанне. Нагадаю, што гэтую ўрачыстасць арганізавалі і рыхтавалі Генеральнае консульства РБ у Беластоку, жонка Канстанціна Майсені Насця, і Беларускі музей у Гайнаўцы. Ва ўрачыстасці ўдзельнічалі міністр культуры Беларусі, амбасадар Беларусі ў Варшаве, генконсул Генеральнага консульства ў Беластоку, гайнаўскае гарадское і павятовае начальства, настаяцель прыхода, прадстаўнікі БГКТ, „Нівы”, іншых беларускіх арганізацый і працаўнікі музея. На ўрачыстасць прыбыло многа моладзі і людзей сярэдняга і старэйшага ўзросту. Было людна. Вёў урачыстасць настаўнік Гайнаўскага белліцэя Ян Карчэўскі, прыгожа спявала „Знічка”. Спачатку вядучы прывітаў гасцей і прысутных. Анастасія Майсеня і міністр культуры Беларусі Уладзімір Матвейчук адкрылі мемарыяльную дошку, настаяцель Міхал Негярэвіч пасвяціў яе. Вядучы прыпомніў нялёгкі (...) |