Магільні кіеўскіх князёў ХІІ стагоддзя

Юзэф МАЦКЕВІЧ

Ну вось, мы можам ужо сказаць, што пераступілі высокі для кожнага даследчыка парог самага важнага для нашых зямель адкрыцця.

Нашыя словы смелыя: знойдзены магільні кіеўскіх князёў ХІІ стагоддзя!

Вядома, гэта пакуль высунутая гіпотэза. У які спосаб мы да яе даходзім?

Гісторыя Давыд-Гарадка расплываецца ў сівой імгле стагоддзяў. Гісторыю нашай зямлі мы ведаем пераважна ў часы Вялікага княства Літоўскага, хоць і там многа прабелаў.

Гэта князі

Некаторы гісторыкі, а следам іх Кіркор, пацвярджаюць у выдадзенай у 1882 годзе Живописной России факт існавання легенды, паводле якой Давыд-Гарадок заснавалі яцвягі, а горад назвалі ад імя іх князя Давыда, якія прыняў хрысціянскую веру. Вядома, найперш ён мусіў пабудаваць замак; валадарства князёў заўсёды абапіралася на замкі, вакол якіх сяліліся людзі і ўзнікалі гарадзішчы.

Ці можам мы высунуць гіпотэзу, што адкапаныя труны паходзяць з таго часу?

— Не, — кажа пан Антон Луцкевіч, — мы былі на месцы і самі бачылі. Адно, што сёння мы можам бясспрэчна сцвердзіць, гэта тое, што знаходка прыналежыць хрысціянскаму перыяду; яцвягі, як вядома, былі язычнікамі, праўда, іх паасобныя князі маглі ахрысціцца. Таму трэба глядзець далей, у ранейшыя стагоддзі. Паводле мяне, у часы, калі Давыд-Гарадок меў важнае палітычна-вайсковае значэнне. У іншым выпадку княжая сям’я не пражывала б пастаянна на замку, хутчэй (...)