Ніва № 14 (2708), 6 красавіка 2008 г.
Беларусь — вечная ты!!!Алесь АДАМКОВІЧ, Вільня90 год абвяшчэння БНР адзначылі ў Вільні — Скажыце, гэта беларусы? — Так — То вельмі прыгожа!!! (З дыялогу з невядомым літоўцам, які быў уражаны хараством лунаючых бел-чырвона-белых сцягоў, калі шыхт маладых беларусаў 25 сакавіка з дому настаўніка рушыў у Базыльянскія муры) 25 сакавіка Менавіта з гэтага дыялогу хацелася б распачаць расповед аб святкаванні Дня Волі ў Вільні. Так, гэта было заканчэннем мерапрыемстваў, але гэты дыялог пакінуў у душы найбольшае ўражанне. Невядомы літовец захапляўся прыгажосцю беларускіх сцягоў, у той час, калі гэтыя сімвалы ў Беларусі зняважаныя і забароненыя. А з імі і самі героі, тыя, што тварылі Беларусь. Але яна так і надалей пачынае заставацца нейкай міфічнай істотай, так і не стаўшай быццём. 25 Сакавік 1918 года стаў самым значным і самым балючым у найноўшай гісторыі беларускай зямлі. І бег часу нам сёння адмераў 90! Час, каб прааналізаваць і ўбачыць тое, што маем. Так, ідэалы не ажыццявіліся. Беларусь так і не стала незалежнай дзяржавай, беларуская мова не гучыць у ёй, яе насельнікам не вядомая гісторыя свае зямлі... Але... На палітычнай карце сёння ёсць Беларусь. Пра яе гавораць, аб ёй ведаюць. Гэта сталася перамогай 25 сакавіка, а значыць, тое, што адбылося тады, дало ўсходы. Праз знявагу, праз забыццё, хлусню і няўдзячнасць Беларусь нараджаецца да (...) |