Ніва № 09 (2703), 2 сакавіка 2008 г.
Да пяцідзесяцігоддзя аб’яднання БЕЛАВЕЖАРазмова з Георгіем Валкавыцкім 3. Дэбютавалі аўтары... „Ніва”: — Прыходзілі да Вас людзі, прыходзілі іх тэксты. Здаецца, Ваш чулы рэдактарскі „нос” хутка лавіў „белавежскі” вецер, прадчувалі Вы таленты і іх падтрымлівалі. Ці адразу паяўляліся вельмі добрыя творы, адразу на „Літаратурную старонку”, на дэбют? Георгій Валкавыцкі: — Так адразу было з Надзеяй Артымовіч, якой тэксты прынёс Юры Туронак. Алесь Барскі явіўся нам адразу як спелы паэт. Адразу здаўся знакамітым, падазрона добрым, верш Міхася Шаховіча. Я адразу стаў распытваць пра яго ў Алеся Барскага, які ведаў, што мае на кафедры таленавітага студэнта. Міхась Андрасюк дэбютаваў вельмі добрым вершам. Бывала, што аўтары крыўдзіліся на крытыку. Мікола Лобач даслаў вершы, я ў „Рэдакцыйнай пошце” напісаў, што вершы „сырыя”. А ён на тое: „А што, у вас башка не варыць?.. Даварвай!” — Дэбютавалі аўтары ў „Парнасіку”, друкаваліся і ў Клубе ліцэістаў. — Друкаваліся і ў Клубе. Ды гэта быў такі niewypał. Я яго ініцыяваў. Забавязаўся Аляксей Карпюк гэта весці (ён асветай займаўся, бо па прафесіі настаўнік). Я думаў, што будзе ён арганізатарам, каб гэта рабілі самі ліцэісты. Ды толькі пару старонак выйшла. Ліцэісты і там друкавалі свае творы. Крыху яны мяне падвялі. — Усё ідзе нараканне, што замала кантактаў з моладдзю? — Паехалі мы на сустрэчу з тымі (...) |