Ніва № 02 (2696), 13 студзеня 2008 г.
Па старонках „Беларуса-2007”Сяргей ЧЫГРЫНУ Нью-Йорку выйшаў з друку літаратурны альманах беларускіх пісьменнікаў замежжа „Беларус”. Альманах выпусціла выдавецтва газеты „Беларус”. Ён быў задуманы для таго, каб даць мажлівасць беларускім творцам, якія жывуць у іншых краінах свету, пазнаёміць чытачоў са сваёй літаратурнай творчасцю. І задумка гэта ажыццявілася. Да друку рыхтуецца і „Беларус-2008”. Першы беларускі літаратурны альманах „Беларусь” з’явіўся ў 1919 годзе ў Берліне. Яго выдаў Рудольф Абіхт. У 1920-х гадах літаратурныя альманахі „Замежная Беларусь”, „Прамень”, „Новы прамень” выдаваліся ў Празе. У 1955 годзе ў Мюнхене свет пабачыў беларускі літаратурны альманах „Ля чужых берагоў”, а ў 1967 годзе пад рэдакцыяй Алеся Змагара ў ЗША выйшаў альманах „Пражэктар”. Беларускія літаратурныя альманахі выходзілі і ў іншых краінах і гарадах. Выхад „Беларуса” — гэта працяг той добрай альманахаўскай справы на чужыне. Ды, здаецца, з 1978 года (тады выйшаў альманах „Знічкі Случчыны” пад рэдакцыяй Янкі Золака) далёка за межамі нашай краіны падобных альманаў не выходзіла. Калі параўнаць альманах „Ля чужых берагоў” (1955) і сёлетні „Беларус”, то розніца вялікая: той альманах быў салідны як на аўтараў, так і на творы, хаця па паліграфічным выданню „Беларус” ці самы лепшы. Аўтарамі „Ля чужых берагоў” былі Наталля Арсеннева, Уладзімір Дудзіцкі, Міхась Кавыль, Уладзімір Клішэвіч, Рыгор Крушына, Алесь Салавей, Масей Сяднёў, Пётра (...) |