Ніва № 39 (2681), 30 верасня 2007 г.
Ніэкожыстнэ людзіГанна КАНДРАЦЮК— Шкада, што тут усе праваслаўныя. Каб яшчэ быў хоць адзін католік, то тры ксяндзы па вуліцы хадзілі б. О, браце! Да чаго дажыліся. Заользе нам хочуць зрабіць! — пенсіянер Віктар Траяноўскі не можа зразумець, чаму яго невялічкую вуліцу падзялілі на дзве парафіі. — І навошта яны гэта нам на старасць зрабілі? — пенсіянерка Марыя Катэльчук пачынае плакаць. — Калі я даведалася, што справа ўжо заклепаная і няма адвароту, усю ноч не спала. — А я ўжо другі месяц не магу супакоіцца, — хвалюецца рэнтыстка Марыя Голец. — Падзяллі нас і няма вінаватых! Каго не спытаеш, адзін спіхае віну на другога. А за плячыма смяюцца з нас старых і хворых. Такая праўда! Больш за сам факт падзелу людзей усхваляваў спосаб, у які царкоўная адміністрацыя вырашыла пытанне прыналежнасці да новай парафіі. Каб усё было ясна — з пачаткам ліпеня г.г. частку вернікаў, без іх згоды і ведама, запісалі ў новую парафію ў Відаве. * * * Справа датычыць невялічкай вуліцы Жытняй. Адыходзіць яна ад вуліцы Дубічы, непадалёк белай каплічкі і каляровага крыжа ў гонар беларускага асветніка Яраслава Кастыцэвіча. Адсюль дваццаць хвілін пяшком у цэнтр старажытнага Бельска. Першы дом па вул. Жытняй паставіла Марыя Голец у 1967 годзе. Зараз няпарная нумерацыя канчаецца на ліку 15. Ля мураванак, схаваных за высокімі платамі, дагледжаныя агароды з бульбай, слівамі і кветкамі. Ад пачатку, ужо сорак год, (...) |