Байдаркай на Гродзеншчыну!

Ілона КАРПЮК

На думку беларускага амбасадара, Паўла Латушкі, Польшча мае два абсалютна унікальныя месцы. Першае, гэта Белавежская пушча, якой прадстаўляць не трэба, другое, гэта Аўгустоўскі канал, з якім пазнаёміцца прыйшоў час. Невыпадкова пішу пра гэты цікавы аб’ект, які з’явіўся ўжо ў ХІХ стагоддзі, а сёння паяўляецца ён у кантэксце развіцця турызму ды новых форм супрацоўніцтва Польшчы з Беларуссю. Каб лягчэй пасылаць турыстаў на Гродзеншчыну, Беларускае пасольства ў Польшчы рашыла адкрыць Консульскі пункт у Аўгустове.

Дата адкрыцця, 13 жніўня 2007 года, напэўна будзе шчаслівай для ініцыятараў гэтай думкі. Доказам гэтаму хай будзе факт, што ўжо ў гэты дзень былі тэлефонныя званкі з пытаннямі пра магчымасць атрымання візы, а гэта ж толькі пачатак. Здаецца аднак, што арганізацыя такога пункта супадае з патрэбамі турыстаў, але і людзей, якія ведаюць пра канал і проста чакаюць хвіліны, каб паплысці водным шляхам у пошуках гісторыі.

А ёсць што пабачыць і дзе спыніцца, асабліва на беларускім баку. Аўгустоўскі канал пабудаваны быў у першай палове ХІХ стагоддзя. На шляху можна пабачыць фартыфікацыйныя будынкі ўмацаванняў гродзенскага раёна, касцёл св. Язафата Кунцэвіча, палац Валовічаў у Свяцку. Своеасаблівай цікавінкай з’яўляюцца таксама шлюзы на канале ды адміністрацыйныя будынкі — дамы дазорцаў. Канал з’яўляецца на толькі арыгінальнай пабудовай, якую папулярна акрэсліваюць спалучэннем „мастацкіх сіл прыроды з (...)