Урочышча Супрасль

Міра ЛУКША

ХІІ Сустрэчы з натурай і мастацтвам

Сёлетнім сімвалам сустрэч (2-10 чэрвеня 2007 г.) была пчала. Мэтай мерапрыемства, якое пастаянна збірае акалічных жыхароў Супраслі (найбольш беластачан) і не толькі, з’яўляецца прамоцыя культурнай і прыроднай спадчыны Кнышынскай пушчы, таксама і яе аздараўляльных каштоўнасцей. Старажытная Супрасль мае статус курортнай мясціны, занесена яна разам з пушчай і „Зялёнымі лёгкімі Польшчы” ў спісак Еўрапейскай экалагічнай сеткі „Натура 2000”. Згуртаванне „Uroczysko”, якога старшынёй з’яўляецца эколаг Кшыштаф Вольфрам, спасылаецца на каштоўнасці старой Супраслі і так называе свой абсяг дзейнасці: „Блізка 500 гадоў таму, на высокім беразе пушчанскай ракі ўзнік манастыр, пасля пасяленне, якога палітычнае і культурнае значэнне перасягала межы тагачаснай Рэчы Паспалітай і Вялікага княства Літоўскага. Адсюль ішлі друкаваныя кнігі і календары, тут пульсавала асветнае і грамадскае жыццё. Мы спасылаемся на гісторыю горада і людзей з ім звязаных. Вяртаемся да гісторыі 300-годдзя супрасльскага кнігавыдавання, да традыцыі талерантнасці і роўнасці станаў, да арганічнай працы сем’яў Захертаў, Бухгольцаў, Янсэнаў, Альтаў... Мы, стваральнікі мастацка-прыродных сустрэч „Урочышча”, згуртаваліся вакол гэтага слова, якое ў няўлоўны спосаб спалучае моц духа і матэрыі з супольнасцю стварання, збіраем творцаў, мастакоў, дзеячаў культуры і мастацтва на сустрэчы-прэзентацыі іх дасягненняў, прадстаўляем уласныя (...)