Ніва № 18 (2660), 6 мая 2007 г.
Жыровічы — частачкі неба на зямлі!Ганна КАНДРАЦЮК... калі абяскрыльвае бедстваў цяжар і скрусе гатовы скарыцца — ідзі і вазьмі сапраўды Божы Дар Жыровіцкай цуда-Крыніцы... * * * — А ці жадаеце схадзіць да cвятой крыніцы? — спытала мяне сястра Зінаіда. — Вядома, жадаю. Ужо раней я назірала за духоўнай смагай народа ды не магла адвесці вачэй ад паломнікаў, якія пакетамі набывалі святую ваду ў манастырскай краме (1,3 $ за паўтаралітровы буталь). Цудоўная вадзіца тут на першым месцы, ды мала хто з пакупнікоў абыходзіцца адной бутэлькай. Размах, з якім ёю абяспечваюцца прыезджыя чуць не прамысловы. Асабліва шчыруюць уласнікі аўтамабіляў. Гляджу і не магу надзівіцца. Дзядзькі, на выгляд бізнесмены, курсіруюць сюды-туды з кампактнымі пакетамі да сваіх сярэбраных легкавушак. У галаве ўзнікае падазрэнне — ці не на гандаль выкупляюць яны гэты цудоўны напой? Аказваецца, што наадварот. У такі спосаб багацейшыя вернікі хочуць падтрымаць сціплы бюджэт манастыра. Бо кожны з паломнікаў можа дарма зачэрпнуць любую колькасць святой вадзіцы. Дзеля гэтага хопіць падацца да крыначкі, якая знаходзіцца паўтара кіламетра ад манастыра... * * * У Жыровічах тры святыя крыніцы. Першая знаходзіцца пад алтаром Спаскага сабора. Уваход у падзямелле да калодзежа (...) |