Ніва № 13 (2655), 1 красавіка 2007 г.
Дзед Мароз і фабрыка самагонкі (6)Ганна КАНДРАЦЮККалі мы сядзелі за сталом у графа Тышкевіча і дэгуставалі пушчанскую самагонку, перад акном перайшоў буры кот. — Ёсць і наш Барсік! — усклікнула Марыя Барэль, працаўніца гасцініцы ў Жаркаўшчыне. — Ён паяўляецца толькі тады, калі ў хаце новыя госці. Я хуценька выскачыла на двор зрабіць здымак, аднак кот прапаў, быццам скрозь зямлю праваліўся. Колькі мы яго ні клікалі, колькі ні вабілі пачастункам — ён не вярнуўся... Паколькі мы знаходзіліся ў старым гняздзе графа Тышкевіча, прыгода з катом паказалася нармалёвай і „да месца”. Раней Марыя расказвала нам пра падземныя ходы, якія спалучаюць дом з гаспадарчай часткай маёнтка. Праўда, ніхто не запускаўся ў той таемны ход ужо ад вайны, мабыць і абваліўся ён з за адсутнасці кансервацыі. — А як кажуць пра гэтае месца вяскоўцы? Марыя Барэль (у Жаркаўшчыне жывуць Барэлі і Болбаты), хоць аўтахтонка, спачатку не можа ўспомніць гэтага панскага слоўца. Старыя падзеі да 1917 года тут адлеглыя і несапраўдныя быццам ледавіковая эпоха. — Палац! — успамінае ў канцы. * * * За часоў СССР дом графа Тышкевіча быў дзяржаўнай дачай і звычайны грамадзянін нават не ведаў пра яго існаванне. — Гэтае месца абажала Паліна Андрэеўна, жонка Машэрава, — успамінае Марыя. — Яна прыязджала сюды са сваёй світай на грыбы. Звычайна дапамагалі і вяскоўцы, якія паказвалі Паліне Андрэеўнай свае грыбныя месцы. Сучасныя (...) |