Ніва № 10 (2652), 11 сакавіка 2007 г.
Перамагчы стыхію і свае слабасціРазмова з вядомым падарожнікам і палярнікам Маркам КАМІНСКІМ, які па сямейных сувязях час ад часу наведвае Гайнаўшчыну (размова адбылася ў Цэнтры прамоцыі рэгіёна „Чарлёнка” Фонду „Царкоўная музыка”). — За адзін год удалося Вам без вонкавай дапамогі здабыць два полюсы Зямлі. Ці гэта было толькі змаганне са стыхіяй, ці таксама са сваімі слабасцямі? — Мне самым важным было спраўдзіць, ці людская істота ў адным годзе можа дайсці на два полюсы Зямлі. Гэты праект паказаўся мне вельмі прывабным. Дзякуючы паходу да двух полюсаў здабыў я вялікі вопыт. Нялёгкая дарога была таксама змаганнем з уласнымі слабасцямі, перамаганнем унутранага страху і прывычкі да выгаднага жыцця. У час такога падарожжа трэба было многа даць з сябе, а ўзнагародай было прабыванне сярод нязмененай людзьмі натуры, што пакідае вельмі багаты капітал на ўсё жыццё. — Вы адправіліся на Паўднёвы полюс з хлопцам-інвалідам Янам Мэляй. Што Вас падштурхнула да гэтага падарожжа? — Ясек Мэля моцна пацярпеў ад паражэння электратокам высокага напружання, страціў руку і нагу. Ён быў вымушаны жыць як чалавек другой катэгорыі. Пратэз, які ён атрымаў, быў горшы ад музейных пратэзаў з канцлагера Аўшвіц-Біркенаў. Мне хацелася даць хлопцу магчымасць вярнуцца ў нармальнае жыццё з лепшым пратэзам і я рашыў падзяліцца з Ясем сваім вопытам у час складанага падарожжа. Мы паказалі іншым людзям, што найважнейшая ў жыцці галава, а (...) |