Ніва № 3 (2645), 21 студзеня 2007 г.
Трэба рамантаваць дарогуАляксей МАРОЗЗдзіўляе мяне вада на дарозе ў Вульцы. Відаць таксама моцна знішчаны асфальт, з пад якога выглядае брук. Толькі пазней даведваюся, што з’ехаўшы машынай пад правы бок дарогі ўдалося мне абмінуць глыбокую ямку, у якой некалькі прыезджых разбілі свае машыны (калі ў небяспечным месцы стаяла вада). Наведваю я сяло перад самаўрадавымі выбарамі і мае суразмоўцы просяць хадайнічаць у справе рамонту іх вуліцы. Людзі звяртаюць увагу на заняпад вёскі і міграцыю маладых сяльчан у недалёкі Бельск-Падляшскі і іншыя гарады. Аднак вакол невялікага сяла не заўважыў я аблагоў, а мае субяседнікі пацвердзілі, што палі гарадскіх дзетак абрабляюць яшчэ іх бацькі або малодшыя суседзі. Закалот з дарогай — Вы памажыце нам дарогу асфальтаваць. Ямкі глыбокія зрабіліся і цяжка праехаць праз сяло, — заяўляе Клаўдзія Жменька, якую спатыкаю на панадворку. — Пасля тэлеперадачы пра нашу вёску, якую падрыхтаваў наш зямляк з Кашалёў Юрка Каліна, паставілі ў нашым сяле новыя мураваныя стаўбы. Па правадах прымацаваных да іх перасылаецца ў нашы дамы электраэнергія. — Некаторыя старыя драўляныя стаўбы пачыналі схіляцца да зямлі і таму прывязвалі іх да дамоў, — дабаўляе Ян Жменька, які амаль 30 гадоў з’яўляецца солтысам. Раней ён многа часу намагаўся памяняць стаўбы, каб не дайшло да трагедыі, але безвынікова. Дарожныя праблемы ўскладніліся пасля будовы ў сяле водаправода. — Самая глыбокая ямка паявілася на месцы, (...) |