Ніва № 3 (2645), 21 студзеня 2007 г.
Што з гэтым тузом?Раіна СТЭФАНЧУКУжо поўным ходам пайшоў новы год і па новым, і па старым стылі. Чаго сёлета чакаць могуць у гэтым 2007 г. падляшскія беларусы ад найважнейшых беластоцкіх і ваяводскіх устаноў культуры? Ці гэтыя падрыхтавалі нейкія спецыяльныя прапановы з паметкай „беларускі”? У час апошняй сустрэчы ў падляшскага ваяводы свежаспечаны па рэкамендацыі Грамадзянскай платформы прэзідэнт Беластока Тадэвуш Трускаляскі выказаў наступную дэкларацыю пры прадстаўніках меншасных арганізацый з рэгіёна і яго сталіцы: — Горад Беласток ганарыцца гэтым, што на яго тэрыторыі пражываюць так нацыянальныя, як і этнічныя меншасці. Гэтая выдатнасць стане адным з імпульсаў яго развіцця. Тут пры нагодзе прэзідэнт горада прыгадаў, што меншасныя арганізацыі маюць магчымасць ставаць двойчы ў год да конкурсу прапаноў на падрыхтоўку культурных мерапрыемстваў. У апошні час, калі тэрмін мінуў 5 студзеня, ад такога тыпу няўрадавых і несамаўрадавых устаноў падаліся ледзь дзевяць прапаноў. — На жаль. Я заахвочваю падаваць свае прапановы ў чэрвеньскім выпуску, — пераконваў прэзідэнт у прысутнасці віцэ-прэзідэнта Аляксандра Сасны, які не скрывае сваёй меншаснай прыналежнасці. Вядучымі культурнымі гарадскімі ўстановамі, значыць, статутна падлеглымі беластоцкім уладам з’яўляюцца Беластоцкі асяродак культуры, Галерэя „Арсенал” і Беластоцкі лялечны тэатр. — Мы не раздзяляем культуру на польскую, беларускую, па нацыянальных прыкметах, — (...) |