Калядкі беларусаў бельшчыны

Аляксей МАРОЗ

У рамках праекта „Песні, танцы і абрады беларусаў Бельшчыны” Музей малой айчыны ў Студзіводах 21 снежня 2006 г. наладзіў калядную вечарыну ў Агульнаадукацыйным ліцэі з беларускай мовай навучання ў Бельску-Падляшскім, які выступіў суарганізатарам мерапрыемства. Старэйшы склад калектыву „Жэмэрва” запрэзентаваў даўнія калядкі і народныя пажадальныя песні, якія спяваліся маладажонам, нованароджанаму дзіцяці ці падросткам. Сабраныя на вялікім экране паглядзелі відэазапіс выступленняў вясковых жанчын і мелі магчымасць параўнаць іх спеў з выкананнем калядак маладым калектывам. Кіраўнік музея Дарафей Фіёнік у ходзе мерапрыемства расказваў пра багаслоўскія вартасці даўніх калядак і народныя матывы ў пажадальных калядках і навагодніх шчадроўках, вытокі якіх можна шукаць у далёкім мінулым нашых зямель.

— Магчыма, што спяваныя „Жэмэрвой” калядкі ўзніклі нават у ХVІІ ці ХVІІІ стагоддзях. У іх глыбокі багаслоўскі змест і ёсць тэксты ўзятыя з багаслужбаў. Можа таму, што запісваліся яны на старажытнацаркоўнаславянскай мове, зараз менш зразумелыя. Цяпер штораз часцей можна ў нас сустрэць меладычныя калядкі на ўкраінскай мове, запісы якіх прывозяцца з за мяжы, — сказаў Дарафей Фіёнік. — Нашы калядкі былі запісаны ў Крыўцы, а іх тэксты ўзяты з рукапіснага багагласніка Цімафея Садоўскага з Тыневіч-Вялікіх, які перапісваў творы з кніжак і запісваў з вусных пераказаў.

Большасць прэзентаваных на спатканні пажадальных (...)