Ніва № 52 (2641), 24 снежня 2006 г.
Гэта чалавек стварае чалавекаРазмова з Маргарытай ДМІТРУК, мастачкай. „Ніва”: — Што спрычынілася і спрычыняецца да таго, што Вы займаецеся мастацтвам? Маргарыта Дмітрук: — Гэта складанае пытанне. Я на пачатку ліцэя мела ідэю на жыццё: я хацела стаць музыкам. Дзесьці ў другім класе выдумала сябе, што буду кампазітарам, асобай незалежнай, ствараючай музыку. Адносна рана я зарыентавалася, што ў гэтым напрамку ў мяне няма таленту. Я занялася жывапісам і тады стала рыхтавацца да ўступных экзаменаў у Акадэмію мастацтваў. Рыхтаваў мяне Лёнік Тарасэвіч. І, як цяпер аказваецца, тое, што тады нарадзілася, тая ідэя на жыццё ўва мне засталася. — Лявон Тарасэвіч. Кім ён з’яўляецца для Вас? — (смех) Лёнік... Лёнік быў і ёсць для мяне аўтарытэтам. Гэтая асоба, якая заўжды задзіўляе, усё развіваецца, паслядоўна ідзе сваёй дарогай. Дзякую Госпаду, што я сустрэла на сваёй дарозе такую асобу, такую індывідуальнасць, якая мае такую сілу, энергію. Я ўсё ў пошуках аўтарытэтаў, але Лёнік быў і застаўся тым чалавекам, з якога трэба браць узор. — А якія аўтарытэты Вы адкрылі ў апошні час? — Я і адчувала, што такое пытанне прагучыць! — Вы і самі напрасіліся. — Ну, вось. А хай вас! Я пад вялікім уражаннем святой памяці Марка Роткі, Маркуса Ротковіца, як гэты латыш, эмігрант у Амерыку, раней называўся. Гэта мастак з пачатку ХХ стагоддзя. Геніяльна складваў колеры. (...) |