Ніва № 26 (2615), 25 чэрвеня 2006 г.
Адчакаць у трывалым супрацівеРаіна СТЭФАНЧУК„Медаль Талерантнасці”, устаноўлены Фондам імя Людвіка Заменгофа, стваральніка мовы эсперанта, атрымаў у Беластоку пра-фесар Уладыслаў Барташэўскі. Гэты змагар за міжнародны і міжнацыянальны дыялог і ўшанаванне іншасці і шматкультурнасці з’яўляецца другім лаўрэатам гэтай узнагароды. Сем гадоў таму прысвоена яна была Яну Паўлу ІІ. 84-гадовы Уладыслаў Барташэўскі ў дзевяностыя гады і коратка на пачатку двухтысячных быў міністрам замежных спраў, а раней паслом Польшчы ў Аўстрыі. У час ІІ сусветнай вайны быў вязнем канцлагера Аўшвіц і ствараў з іншымі Раду дапамогі яўрэям „Жэгота”. Пасля вайны быў выкладчыкам гісторыі, таксама і ў нямецкіх універсітэтах. Быў публіцыстам, м.інш. у „Tygodniku Powszechnym”. „Медаль Талерантнасці” ўручаны быў яму ў Вышэйшай школе публічнай адміністрацыі. Рэктар вучэльні праф. Барбара Кудрыцкая адзначыла: — Уладыслаў Барташэўскі з’яўляецца зоркай на фоне сумнага неба, дзе не хапае аўтарытэтаў. Спасылаючыся на ягоныя словы, прывяла думку прафесара: — Праўда не ляжыць пасярэдзіне, а там, дзе яна ёсць. Прэзідэнт Беластока Рышард Тур назваў яго сведкам эпохі, пазначанай неталерантнасцю і варожасцю, які стаў узорам праведнасці, сімвалам паяднання. Праф. Ганна Канопка, у абгрунтаванні прысваення медаля, сцвердзіла: — Найлепшая форма пашырання талерантнасці — цярпліва і паслядоўна даваць прыклад сваім стаўленнем і дзеяннем. Сам (...) |