Спісак

Мацей ХАЛАДОЎСКІ

Але, ad rem. Савет Еўрасаюза зацвердзіў урэшце спісак „беларускіх чыноўнікаў, адказных за ўдзел у фальшаванні прэзідэнцкіх выбараў у Беларусі, якіх ахапіла адмова ўезду на тэрыторыю ЕС”. Адкрывае яе, вядома, прэзідэнт — А. Л. Апынуліся там найвышэйшыя рангам чыноўнікі. Няма затое віноўнікаў непасрэднага кантакту. Размаўляў я з Багданам Кліхам з Калектыву па справах Беларусі ў Еўрапарламенце:

— Маю мяшаныя ўражанні. З аднаго боку, цешуся, што зрэагавалі на нашы пастулаты [Польшчы, Славакіі, Літвы — М. Х.]. З другога боку, шкада, што так позна. Я падаў пастулат у гэтай справе ў кастрычніку 2004 г. Мусіла мінуць паўтара года. У такім тэмпе ЕС нельга дзейнічаць.

І падкрэсліў:

— Гэты спісак — 30 плюс адзін, гэта значна менш таго, чаго мы чакалі. Павінны быць на ім таксама прадстаўнікі адміністрацыі мясцовага, рэгіянальнага ўзроўню, якія аднолькава небяспечныя, часта дзейнічаючыя напаказ дзеля ўласных інтарэсаў.

І фактычна, цяжка не пагадзіцца са спадаром еўрадэпутатам. На еўрасаюзным спіску няма не толькі г.зв. рэгіянальных выканаўчых органаў, але, для прыкладу, і рэктараў вышэйшых беларускіх вучэльняў, якія выкінулі студэнтаў удзельнічаючых у падзеях на Кастрычніцкай плошчы. Прапалі з першапачатковай версіі (NYT) таксама прозвішчы рэжымных журналістаў — рупараў прапаганды. Шукаў я на гэтым спіску спадарыні Лідзіі Ярмошынай, старшыні (...)