Засталася багатая гісторыя

Аляксей МАРОЗ

— Калі будзем ведаць сваю гісторыю, астанемся народам, бо без гісторыі растворымся, — заявіў айцец Рыгор Сасна, звяртаючыся да сабраных. — Шчыты вельмі добра запісаліся ў гісторыі як вёска распаложаная ў арбіце Бельска-Падляшскага. На падставе гэтай вёскі можна паказаць жыццё нашых людзей, якія перажылі бежанства і дзве сусветныя вайны.

Сустрэча з аўтарамі кніжкі распачалася з малітвы і мультымедыйнай прэзентацыі цікавых і якасных фатаграфій. Мерапрыемства адкрыла дырэктар Бельскага музея Аліна Дэмбоўская, а Славамір Іванюк, намеснік старшыні Беларускага гістарычнага таварыства, якое выдала кніжку, зачытаў ліст мітрапаліта Варшаўскага і ўсяе Польшчы Савы. Уладыка звярнуўся да аўтараў выдання пра Шчытоўскі прыход з пахвальнымі словамі і заклікам да далейшай працы. Сабраныя маглі ўбачыць змешчаныя ў кнізе архіўныя здымкі. Побач фатаграфій шчытоўскай царквы, выкананых у розныя перыяды, у кніжцы даюцца здымкі, якія адлюстроўваюць жыццё ў шчытоўскім маёнтку і ў сёлах. Паказаны таксама лёсы выхадцаў са шчытоўскага прыхода, якія рассеяліся па свеце. У час мультымедыйнай прэзентацыі публіка магла паслухаць даўніх беларускіх песень у выкананні Міхала Забэйды-Суміцкага. (...)