Падзеленая гміна Нарва

Мікалай ЛУК’ЯНЮК

Па-першае, праўда гэта, што жыхары Ласінкі былі крышачку зацікаўлены каналізацыяй, але старшыня Рады гміны ў Нарве Яўген Дудзіч ані разу не ўспомніў пра Сцяпана Кучынскага, лекара вясковага асяродка здароўя, які ў той час быў старшынёй Рады гміны ў Нарве, а войтам — Ян Тапалянскі. Я ў той час быў гмінным радным і добра ведаю, што калі б не старанні спадара Кучынскага, то Ласінка па сённяшні дзень не мела б каналізацыі. Колькі тады Сцяпан Кучынскі нахадзіўся, абіваў парогі ў розных установах, каб здабыць грошы з-па-за гміннага бюджэту і гэта яму ўдалося. Таксама і войт Ян Тапалянскі шмат дапамог. А цяпер Яўген Дудзіч быццам пра ўсё забыўся, хоць працаваў настаўнікам у ласінскай школе.

Другая справа. Вёска Ласінка распаложана збоку шашы Гайнаўка — Нарва і ад усходняга боку вёскі добрая дарога да шашы і на аўтобусны прыпынак, адкуль паварочвае аўтобус, што курсіруе праз Ласінку і Трывежу ў Гайнаўку. Там нядаўна на дарозе паклалі асфальтнае палатно. Паклалі таксама асфальт на дарозе Ласінка — Гарадзіска, хаця па ёй не ездзяць аўтобусы ПКС, але гэтая вёска блізка Ласінкі, а спадар Дудзіч з’яўляецца яе жыхарам. Цяпер ён, як старшыня Рады гміны ў Нарве, хоча з гміннага бюджэту пакласці асфальт на павятовай дарозе з Ласінкі праз Кутавую — Храбустоўку да шашы, каб яму лепей было даязджаць на працу ў нарваўскую школу, бо жыве ён пры заходнім канцы Ласінкі. Тут аказваецца, што Я. Дудзіч вельмі хутка пра ўсё забывае, хто найбольш стараўся для Ласінкі. Калі ліквідавалі вясковы асяродак здароўя ў Ласінцы і Сцяпан Кучынскі перайшоў на працу (...)