Ніва № 12 (2601), 19 сакавіка 2006 г.

Прэстыжны гайнаўскі ліцэй

Аляксей МАРОЗ

У Агульнапольскім рэйтынгу сярэдніх школ, арганізаваным часопісамі „Перспектывы” і „Жэчпасполіта”, у 2006 годзе Гайнаўскі белліцэй апынуўся на 40 месцы, а Бельскі белліцэй на 78. Калі вынікі перавесці на грунт Падляшскага ваяводства, то Гайнаўскі ліцэй заняў 4 месца, а Бельскі — 6. Перад Гайнаўскім белліцэем апынулася толькі адна школа з Беластока — І Агульнаадукацыйны ліцэй імя Адама Міцкевіча. Славуты ІІІ Агульнаадукацыйны ліцэй імя Кшыштафа Бачынскага ў Беластоку заняў пятае месца. У спаборніцтве, да якога прыступілі вучні сярэдніх школ рознага профілю, ацэньваліся поспехі ў алімпіядах.

— Найвышэйшую ацэнку школы атрымлівалі за лаўрэатаў у маштабе краіны. Ніжэй ацэньваліся фіналісты, але значэнне мела таксама колькасць алімпіядаў, у якіх вучні ўдзельнічалі ды перамагалі і колькасць вучняў у школе. Пасля падліку, паводле аднолькавай працэдуры, можна было параўнаць поспехі школ, якія прыступілі да спаборніцтва, — інфармуе дырэктар Гайнаўскага белліцэя Яўген Сачко.

У 2004/2005 навучальным годзе ў 30 алімпіядах прыняло ўдзел звыш 240 тысяч вучняў. Сярод іх 1 949 асоб стала фіналістамі, а 670 вучняў — лаўрэатамі. Хаця выводзіліся яны ажно з 784 школ, то да рэйтынгу кваліфікаваных было толькі 386 школ. Агульнаадукацыйны ліцэй з дадатковым навучаннем беларускай мовы ў Гайнаўцы заняў добрае месца, бо 5 яго вучняў стала лаўрэатамі, а 12 фіналістамі. Школа дабілася поспехаў на ўзроўню краіны ў 3 алімпіядах, але самыя вялікія поспехі былі, зразумела, у Алімпіядзе беларускай мовы. (...)

поўны тэкст артыкула ў друкаваным варыянце газеты або праз тыдзень у архіўным выпуску Нівы.PDF