Бяда ад ведаў

Віктар САЗОНАЎ

— Чарговы раз нам не шанцуе, — казаў адзін. — Сітуацыя так складваецца, што зноў могуць рабіць з тымі выбарамі што хочуць, і ніхто ў свеце гэтага не заўважыць. Падчас мінулых выбараў тэрарысты Амерыку заатакавалі. Увага ўсяго свету туды скіравалася. Не да нас было. Зараз выбары на Украіне амаль разам з нашымі. Уся ўвага туды. Зноў не да нас.

— Хіба наш лёс такі, — адказаў другі. — Толькі няма чаго тым пераймацца. Можа тое і лепш, што мы самі мусім дбаць пра сябе, а не хтосьці за нас. Хай бы яшчэ Расія куды сваю ўвагу скіравала, ды пра нас забылася. Тады ўвогуле было б добра.

— А-а не-е! Расія ад нас так проста не адвяжацца, — сцвердзіў першы. — Не для таго газ танней нам дае, што так нас любіць. Але таму, што хоча праглынуць.

— Ну то папярхнецца. Гарляк завузкі.

Часамі здзіўляешся такому глабальнаму мышленьню і інтуітыўнасці беларусаў. А асабліва іх прадбачанню будучыні. Адкуль яно? Ні па радыё, ні па тэлебачанню, ні ў дзяржаўнай (а іншай можна лічыць што і няма) прэсе, нідзе не абмяркоўваюцца такія пытанні. Пра выбары на Украіне?! Пра тыя што будуць?! Ні ў якім разе. Афіцыйныя сродкі масавай інфармацыі распавядаюць толькі пра тыя ўкраінскія выбары, якія нядаўна былі. Ды пра тое, што яны былі недэмакратычнымі, што ўкраінцам пасля іх стала жыць горш, бо даражэй трэба купляць газ у Расіі. Яшчэ не зыходзіць з блакітных экранаў тэма недэмакратычнасці (...)