Месца для кожнага

Мацей ХАЛАДОЎСКІ

Старшыня Рады Міністраў прыехаў у сталіцу Падляшша наконадні праваслаўнага Ражджаства Хрыстовага і ў каталіцкае свята Трох Каралёў. Спадарожнічалі яму м.інш. палітыкі з Падляшша — віцэ-маршалак Сената Кшыштаф Путра, міністр сельскай гаспадаркі Кшыштаф Юргель і Ян Дабжынскі, дзень ранeй назначаны ваяводам, незалежна ад адмоўнай кансультацыі Міністэрства ўнутраных спраў і адміністрацыі.

У бібліятэцы Універсітэта ў Беластоку прэм’ер Марцінкевіч прадставіў планы выраўноўвання шанцаў ваяводстваў Усходняй сцяны. Чаму якраз аб гэтым гаварыў ва універсітэцкай бібліятэцы?

— Бібліятэка гэта сэрца, храм вучэльні. А вышэйшая школа — найважнейшае месца развіцця рэгіёна.

Прыпомніў аб падрыхтоўцы спецыяльнай еўрасаюзнай праграмы развіцця ваяводстваў усходняй Польшчы. Агулам гэта 880 млн. еўра на 2007-2013 гады. У той час разам з грашыма на іншыя еўрасаюзныя праграмы на Падляшша мае трапіць каля мільярда еўра. Казімеж Марцінкевіч падкрэсліў, што неабходна прыспешыць пабудову дарог Варшава — Беласток (S 8) і Люблін — Беласток — Сувалкі (S 19).

У час сустрэчы з прадстаўнікамі шматлікіх асяроддзяў Падляшша ў палацы Браніцкіх успомніў ён аб трох справах, якія асацыююцца яму з нашым рэгіёнам:

— Першая справа — гэта чысціня. Такія чыстыя лясы (...)