Арарат беларускіх гісторыкаў

Алег ГАРДЗІЕНКА

Затое ўдалося мне пагутарыць з ейным калегам Вячаславам Харужым, сябрам БГТ ды чальцом рэдакцыі штомесячніка „Czasopis”. Веслаў выкладае гісторыю ў ліцэі, а даследаваннямі і выданнем кнігаў займаецца ў вольны час. У рамках працы ў ліцэі разам з навучэнцамі бярэ ўдзел у міжнародным конкурсе „Блізкая гісторыя”. Відаць, Веслаў — добры педагог. Інакш як тады патлумачыць, што ягоныя выхаванцы пастаянна бяруць другое месца ў досыць складаным масавым конкурсе?

Л. Глагоўская і В. Харужы працуюць разам, выпускаючы і рэдагуючы кнігі. Наступны праект — выданне ліставання беларускага дзеяча, ураджэнца Браслаўшчыны Мар’яна Пецюкевіча. Актывіст нацыянальнага руху ў Заходняй Беларусі, дырэктар музея імя І. Луцкевіча, у 1949 г. быў арыштаваны саветамі і асуджаны на 25 гадоў. „Кара за службу народу” — так назваў Пецюкевіч мемуары, што выйшлі чатыры гады таму ў выдавецтве БГТ. „Ліставанне” мусіць стаць 28-й кнігай БГТ, што выдаюцца ад 1994 г. Дарэчы, найбольш актыўна манаграфіі друкаваліся ў 1990-х, калі выйшла 18 кніг.

Між іншым, праз некалькі дзён па маім вяртанні ў Беларусь, у трох беларусаў, што кіраваліся ў Мінск, канфіскавалі кнігі БГТ — „Наш радавод. Палякі і беларусы: дыялог культур”, „Успаміны” Анелі і Веранікі Катковіч, М. Пецюкевіча, нарысы Сакрата (...)