Б’юць нашых

Раіна СТЭФАНЧУК

Некалькі тыдняў таму шэф сядлецкай пракуратуры Роберт Вянцкевіч інфармаваў „Ніву”, што пастаўлены абвінавачанні падазронаму ў справе пабояў жыхару Седльцаў. Нічога, аднак, больш ён не хацеў сказаць. Пан пракурор, аднак, заявіў, што не прымянілі ў адносінах да яго ніякага засцерагальнага сродка. У чацвер, 22 снежня, заявіў ён, што на днях рыхтуецца рашэнне аб накіраванні акта абвінавачання ў суд супраць шасці асобам, таксама супраць жыхароў Седльцаў, якіх мілейчукі абвінавачваюць у нападзе.

У гэтай справе пісалі мы тройчы. 29 ліпеня пару сяброў з Мілейчыч выбраліся былі ў асяродак „Партнёр” у Сэрпэліцах. Як расказваюць, познім вечарам некалькі з іх выйшлі па-за тэрыторыю асяродка, у пошуках дыскатэкі. Калі вярталіся, заатакавалі іх трох рослых мужчын, больш-менш іхняга ўзросту. Пасля зачэпак тыя пачалі іх біць рукамі і бейсбольнымі палкамі. Адзін з бандытаў прыклаў мілейчуку да жывата ружжо. Калі хлопцы сталі ўцякаць, у іх напрамку стралялі. Схаваўшыся ў доміку, паведамілі хуткую дапамогу. Карэта хуткай дапамогі забрала найбольш пацярпелых. Толькі тады адзін з мілейчукоў заўважыў, што ў яго падстрэлены бок. Пасля прыезду на месца паліцыі з Лосіц ахвяры нападу са здзіўленнем убачылі, што разам з паліцыянтамі ў форме з’явілася двух цывільных; у адным з іх адзін (...)